ТӨСВИЙН ил тод БАЙДАЛ

"Иргэд төсвөө хянана" иргэний нийгмийн сүлжээний мэдээлэл

  • 2015-2018

  • 2017-2018

  • 2010-2015

  • 2015-2016

  • 2012-2013

  • 2009-2011

  • 2013-2014

  • 2011-2013

  • 2011-2013

  • 2012-2013

  • 2010-2011

  • 2010

  • 2010


Монгол Улсын улс төр, нийгэм, эдийн засгийн төв,  нийт хүн амын бараг тэн хагас оршин суудаг нийслэл Улаанбаатар хотын төсвийн цар хэмжээ тасралтгүй өсч байна. Ихэнх нь татварын орлогоос бүрддэг нийслэлийн төсвийн орлого их наяд төгрөгт дөхөж байгаа ч үлэмж хэсгийг улсын төсөвт татаж авдаг нь УИХ-ын чуулган дээр төсвийн хэлэлцүүлгийн үеэр ширүүн маргаан дэгдээсэн хэвээр. Гэхдээ түүнээс илүүг салбарын төсвийн ерөнхийлөн захирагчдаас нийслэлийн нутаг дэвсгэр дэх цэцэрлэг, сургууль, эрүүл мэндийн зэрэг төсвийн байгууллагуудад тусгай зориулалтын шилжүүлгээр хуваарилдаг билээ.
Нийслэлийн төсвийн хөрөнгө оруулалт мөн адил нэмэгдсээр байгаа. Харин иргэдийн саналыг авч төлөвлөдөг орон нутгийн хөгжлийн сангийн хэмжээ нь нийт хөрөнгө оруулалтын арван хувиас хэтэрдэггүй.
Үүний зэрэгцээ Монгол Улсын нэгдсэн төсөв, түүний дотор салбарын төсөв, мөн гадаад дотоодын төсөл, хөтөлбөр, зээл тусламжийн ихээхэн хэсэг нийслэлд хөрөнгө оруулалт болон бусад хэлбэрээр ногдож, нийслэлийн иргэд, оршин суугчдад зориулагдаж байгааг тооцож байх шаардлагатай. 


2020 оны төсөв

Нийслэлийн төсвийн нийт орлого – 915,3 тэрбум төгрөг, үүнээс татварын орлого – 747,9 тэрбум төгрөг бөгөөд улсын төсөвт шилжүүлэх нь 319,3 тэрбум төгрөг

Нийт зарлага – 775,1 тэрбум, үүнээс тусгай зориулалтын шилжүүлгээр – 494,3 тэрбум төгрөг, нийслэлийн төсвийн ерөнхийлөн захирагчдын зарцуулах төсвийн хэмжээ – 348,9 тэрбум төгрөг.

Нийслэлийн төсвийн нийт хөрөнгө оруулалт – 309,9 тэрбум төгрөг, үүнээс авто замын сангийн хөрөнгөөр 60,6  тэрбум төгрөг. Орон нутгийн хөгжлийн сангийн хөрөнгө – 27,2 тэрбум төгрөг.

Төсвийн гүйцэтгэл

Дэлгэрэнгүй


2019 оны төсөв

Нийслэлийн төсвийн нийт орлого – 796,2 тэрбум төгрөг, үүнээс татварын орлого – 628,5 тэрбум бөгөөд улсын төсөвт шилжүүлэх – 289,1 тэрбум төгрөг

Нийт зарлага – 635,5 тэрбум төгрөг, үүнээс тусгай зориулалтын шилжүүлгээр – 398,3 тэрбум, нийслэлийн төсвийн ерөнхийлөн захирагчид – 302,2 тэрбум төгрөг

Нийслэлийн нийт хөрөнгө оруулалт – 259,2 тэрбум, үүнээс авто замын сангийн хөрөнгөөр 37,6 тэрбум төгрөг. Орон нутгийн хөгжлийн сан – 26,5 тэрбум төгрөг

Төсвийн гүйцэтгэл

Дэлгэрэнгүй


2018 оны төсөв

Нийслэлийн төсвийн нийт орлого – 647,2 тэрбум төгрөг. Үүнээс 565,3 тэрбум төгрөг татварын орлого бөгөөд улсын төсөвт төвлөрүүлэх орлого – 208,5 тэрбум төгрөг.

Нийт хөрөнгө оруулалт – 174,5 тэрбум, үүнээс авто замын сангийн хөрөнгөөр 36,8 тэрбум төгрөг. Орон нутгийн хөгжлийн сан – 16,5 тэрбум төгрөг.

Хотын нийт зарлага – 636,3 тэрбум, үүнээс тусгай зориулалтын шилжүүлгээр-  398,3 тэрбум төгрөг

Төсвийн гүйцэтгэл

Дэлгэрэнгүй


2018-2020.

Нийслэлийн төр, захиргааны шинэ цогцолбор

Яармагийн дэнжид Улаанбаатар хотын төр, захиргааны байгууллагын цогцолборын барилга бэлэн болсон ч жил гаруйн турш ашиглалтгүй байна. Анх 2018 ондоо багтаан нийслэлийн ИТХ, ЗДТГ, тэдгээрийн харъяа 30 гаруй байгууллага, 3000 гаруй албан хаагч тийшээ нүүнэ гэсэн зарлаж байсан ч өнөөдөр нүүгээгүй, тэр бүү хэл нүүх эсэх нь ч тодорхойгүй байна.

Ингээд эрх мэдэл, хөрөнгө мөнгө нь байсаар атал төр, захиргааныхаа барилгын асуудлыг оновчтой шийдвэрлэж чадахгүй байна гэдэг бол нийслэл Улаанбаатар хотод шийдвэр гаргах үйл явц ямар түвшинд шатанд байгааг харуулах жишээ юм. Товчоор дүгнэвэл, нийслэлд төсвийн шийдвэр гаргах нь Засаг даргын нарын дур зоргын хэрэг болсон байна. Үндэслэлтэй бодлого, судалгаа байхгүй, мэргэжлийн хүмүүсийн яриа хэлэлцүүлэг өрнүүлдэггүй, тэр тусмаа нийслэлийн иргэд, татвар төлөгчдийн оролцоо, эрх ашгийг үл тоомсорлосон хэрэг юм.  

Анхны төсөвт өртөг нь 97 тэрбум, дээрээс нь  сүүлийн хоёр жилд шинэ тавилга, компьютер, техник хэрэгсэл худалдан авах, ашиглалтын өмнөх захиргааг байгуулж санхүүжүүлэхэд хоёр тэрбум гаруй төгрөгийг нийслэлийн төсөвт суулган зарцуулаад байна.

Дэлгэрэнгүй


2020 он.

“Дүүжин тээвэр” төсөл

Гэнэт яригдаж эхлээд хэдхэн сарын дотор Францын Улсын Засгийн газраас 60,7 сая долларын урт хугацаатай зээл авах асуудал шийдэгдсэн хөрөнгө оруулалт бол нийслэл Улаанбаатар хотод дүүжин тээврийг байгуулах төсөл юм. Төслийн баримт бичгээс үзэхэд дүүжин зам барих хоёр чиглэлийн нэг нь Баянхошууны тойрог-Ханын материал-Гэмтлийн эмнэлгийг холбосон 4.9 км урт, нөгөө нь Долоон буудал-Дарь эх-Сансарын тойргийг холбосон 5.4 км урттай байхаар тусгажээ. Гэтэл энэ нь оны эхэнд нийслэлийн удирдлагууд уг дүүжин тээврийн нэг шугамыг нийслэлийн төвөөс буюу Хүүхдийн ордноос Богд хааны ордон музейгээр дайруулан Зайсангийн аман дахь ХААИС хүртэл байгуулна гэж танилцуулж байсан билээ.    

Энэхүү ойлгомжгүй асуудал байгаа төдийгүй олон нийтийн дунд хэлэлцүүлэг яриа өрнүүлэхгүйгээр шууд шийдвэрлэж гаднаас их хэмжээтэй зээл авч хэрэгжүүлэхээр шийдвэрлэжээ.  Уг төслийг нийслэлийн замын түгжрэлийг бууруулах зорилготой гэж байгаа боловч тэгэж чадахгүй, бас нийслэлийн түүхэн дүр төрхийг эвдэхэд хүргэнэ гэж нотлох мэргэжлийн хүмүүс олон байна.

Одоо цар тахал зэрэг хүчин зүйлээс болж уг төслийн ажил цагтаа эхлэх боломжгүй болсон атал төслийн нэгжийг байгуулсан төдийгүй өнгөрөгч наймдугаар сарын сүүлчээр тус төслийн хамтран ба туслан гүйцэтгэгч болох Францын Пома групп ба Эжис Рэйл компанид нийт 22,2 тэрбум төгрөгийг шилжүүлсэн байна.

Дэлгэрэнгүй


2020 он.

“Тэнгэрийн тойрог” төсөл

Уг төслөөр бол хойгуураа Их тойруу, хоёр талаараа баруун, зүүн замаар дайруулан, урдуураа Үндэсний цэцэрлэгт хүрээлэн, 120 мянгатыг дайруулан 6-12 м өндөрт нийт 13 км урттай, хоёр урсгал, дөрвөн эгнээтэй, нийт 27 орох, гарах цэг бүхий гүүрэн авто зам тавигдана.

Төслийн нийт хөрөнгө оруулалт 800 сая ам.доллар байгаа нь Улаанбаатар хотын 5-6 жилийн хөрөнгө оруулалтын нийт хэмжээнээс давна. Гэтэл төсөвт дарамт учруулахгүй, яагаад гэвэл гадаадын зээлийн хөрөнгө, концессийн гэрээгээр хэрэгжүүлнэ хэмээн сурталчилдаг. Ингэхдээ нэг тээврийн хэрэгслээс км тутамд 15 цент буюу нэг удаад дунджаар нэг ам.долларын хураамж авч зургаан жилийн дотор зээл болон зээлийн хүүгээ нөхнө гэж тооцоолжээ. Өөрөөр хэлбэл, уг зээлийг эцсийн дүндээ уг замаар төлбөртэй зорчих нийслэлчүүд халааснаасаа, хэрвээ зардлаа нөхөж чадахгүй бол хэдэн жилийн дараа улсын төсвөөс төлөх нь ойлгомжтой юм. 

Дэлгэрэнгүй


2020.

Сүхбаатарын талбайн урдах цэцэрлэгт хүрээлэнгийн тохижилт, ногоон байгууламж

Нийслэлийн иргэдийн дунд ихээхэн маргаан дэгдээсэн энэ төслийг олон нийтийн эсэргүүцлийг үл тоомсорлон хэрэгжүүлж эхлээд УИХ-ын сонгуулийн санал хураалтын өмнөхөн ашиглалтанд оруулсан билээ. Ялангуяа хөрөнгө оруулалтын хэмжээг 3,2 тэрбум төгрөг хэмээн танилцуулсныг тал талаас шүүмжилж байсан юм. Гэтэл 2020 оны 11-р сарын 13-нд нийслэлийн ИТХ-аар баталсан “Нийслэлийн 2020 оны төсөвт өөрчлөлт оруулах тухай” тогтоолоос үзэхэд уг ажил бүрэн дуусаагүй төдийгүй нийт төсөвт өртөг нь 3,788 тэрбум төгрөг, өөрөөр хэлбэл дахиад 500 сая төгрөг зарцуулах нь тодорхой болоод байна.  

Дэлгэрэнгүй


2016-2019.

Замын цагдаагийн газрын урдах автозамын гүүрэн гарцын байгууламж

Төмөр замаар тусгаарлагдаж байсан нийслэлийн урд ба төв хэсгийг холбосон, Сэлбэ гол ба төмөр зам дээгүүрх энэ гүүрэн гарцыг БНХАУ-ын Засгийн газраас Монгол Улсын Засгийн газарт олгох 500 сая долларын экспортын хөнгөлөлттэй зээлийн нэг хэсэг болох 42,38 сая долларын (зарим мэдээллээр 45- 47 сая ам.доллар) хөрөнгөөр барьж, үндсэн гүүрийг 2019 онд ашиглалтанд оруулсан юм.

Энэхүү зээлийн зөвхөн хүүгийн зардал өдөрт 30 сая төгрөг болж байна. Үндсэн зээлийг төлж эхлээгүй. 2020 онд нэмэлт ажлууд үргэлжилсэн ба нийслэлийн төсвөөс багагүй хэмжээний хөрөнгийг янз бүрийн хэлбэрээр зарцуулсаар байна. Тодорхой мэдээлэл байхгүй.

Дэлгэрэнгүй


2018-2020.

Сүхбаатар дүүргийн ЗДТГ-ын “захиалгатай” барилга

Хэрвээ энэ газрыг ядахдаа хэт өндөр биш барилга барих, автомашины зогсоолтой байх болзолтойгоор хуулинд заасны дагуу дуудлага худалдаагаар зарсан бол нийслэлийн, эсвэл дүүргийн төсөвт хэдэн тэрбумын орлого оруулах боломж байсан нь эргэлзээгүй. Хэрвээ төсөвт мөнгө хэрэггүй гэвэл бяцхан цэцэрлэг, амарч тухлах талбай байж болох байсан.

Дэлгэрэнгүй


2018-2020.

Орон нутгийн Иргэдийн хурлын төлөөлөгчдийн “суудлын мөнгө”

2020 он

  • Монгол Ардын Нам – 510,0 сая төгрөг
  • Ардчилсан нам – 165,0 сая төгрөг

2019 он

  • Монгол Ардын Нам – 680,0 сая төгрөг
  • Ардчилсан нам – 220,0 сая төгрөг

2018 он

  • Монгол Ардын Нам – 340,0 сая төгрөг
  • Ардчилсан нам – 110,0 сая төгрөг

Аймаг, нийслэл, дүүргийн ИТХ байнгын ажиллагаатай биш, жилдээ хэдхэн удаа хуралддаг, төлөөлөгчид ямар нэгэн урамшуулал авах тухай заалт Монгол Улсын ямар ч хууль тогтоомжинд байдаггүй боловч УИХ-ыг дууриаж өөрсөддөө баталж авсаар өдий хүрчээ. Тэд энэ мөнгийг сонгогдсон тойрогтоо ажиллахад зориулсан мөнгө гэж тайлбарладаг, зарцуулалтын тайлангаа ИТХ-ын ажлын албанд гаргаж өгсөн гэж хэлдэг ч иргэд, сонгогчиддоо огт үзүүлдэггүй.  Урамшууллын хэмжээ төв, орон нутагт харилцан адилгүй бөгөөд зөвхөн 2018-2020 онд нийслэлийн ИТХ дахь МАН-ын төлөөлөгчид нийт 1,5 тэрбум, Ардчилсан намынхан бараг хагас тэрбум төгрөг тус тус авчээ.

Дэлгэрэнгүй


2018-2020.

Гадаад дотоод албан томилолт, зочин төлөөлөгчийн зардал

2019 онд нийслэлийн төсвөөс томилолт, зочны зардалд нийт 3,455 тэрбум төгрөг зарцуулсны бараг 70 хувь нь гадаад албан томилолтод ногджээ. Мөн зочин, төлөөлөгч хүлээн авахад 872,6 сая төгрөгийг төсөвлөж 909,1 сая төгрөгийг буюу хэтрүүлэн зарцуулжээ.

Нийслэлийн төсвөөс 2020 онд томилолт, зочны зардалд 1,57 тэрбум төгрөг төлөвлөснөөс цар тахлын улмаас ердөө 344 сая төгрөгийг зарцуулжээ.

Дэлгэрэнгүй


2020-2021

Улаанбаатар хотын олон нийтийн оролцоотой хот төлөвлөлтийн нэгдсэн систем

2020-2021 онд нийт 2,6 тэрбум төгрөг, үүнээс 300 сая төгрөгийг 2020 онд зарцуулахаар төлөвлөсөн, олон нийтийн оролцоотой төлөвлөлт гэгдэх энэ ажлыг төлөвлөхдөө олон нийтэд танилцуулаагүй, тэднээс асууж хэлэлцүүлээгүй учраас цаана нь ямар биет зүйл, зохион байгуулалт байгаа нь тодорхойгүй. “Иргэдийн оролцооны цахим платформ” нэртэй сайт байгуулах сураг дуулдсан нь энэ бол юуны өмнө цахим сайт байж магадгүй. Тэгвэл өнгөрсөн хугацаанд нийслэлд төсвийн болон гадаад дотоодын төсөл хөтөлбөрийн хөрөнгөөр хэд хэдэн портал сайт байгуулсантай зарим талаар давхардахаар байна. Одоо байгаа manaikhoroo.mn сайт өргөн хэрэгцээтэй болж чадаагүй, нийслэлийн эрх зүйн мэдээллийн ublegal.mn сайт 2020 онд огт шинэчлэгдээгүй.


2018-2020

Гадаад улсууд дахь Улаанбаатар хотын төлөөлөгчийн газрын зардал

Гадаад улсуудад суугаа Монгол Улсын ЭСЯ, консулын газрын эдийн засгийн харилцааны асуудал хариуцсан алба, ажилтнуудын байсаар байхад тэдний хажуугаар БНСУ, ОХУ, БНХАУ-ын нийслэл ба Тайваны Тайпей хотод нийслэл Улаанбаатар хот яагаад өөрийн төлөөлөгчийг суулгадаг, тэд ямар үр дүнтэй ажиллаж байгаа нь тодорхойгүй. Юутай ч тэдгээрт  сар тутам багагүй зардал гаргаж байгааг 2020 оны шилэн данснаас харж болно.

  • В.Болормаа, БНСУ-ын Сөүл хот дахь байнгын төлөөлөгчийн сарын бусад зардал – 6.2 – 6,4 сая төгрөг,
  • М.Мөнхцэцэг, ОХУ-ын Москва хотод суугаа байнгын төлөөлөгчийн сарын бусад зардал – сард 8,3- 8,5 сая төгрөг
  • БНХАУ-д суугаа байнгын төлөөлөгчийн 1,2-р сарын бусад зардал – 63.341 сая төгрөг
  • Тайпей дахь төлөөлөгчийн газрын улирлын санхүүжилт – 23,0 – 28,6 сая төгрөг

2018-2020

Төсвийн нөөц хөрөнгө

  • 2020 он – 11,852 тэрбум төг
  • 2019 он – 7,348 тэрбум төг
  • 2019 он – 6,8 тэрбум төг

Сүүлийн гурван жилд нийслэлийн Засаг даргын мэдэлд байдаг төсвийн нөөц хөрөнгийн хэмжээ маш их нэмэгдсэн. Хууль журмаараа бол Засаг даргын зөвлөлийн хурлаар улирал бүр хэлэлцэн тайлагнаж байх ёстой боловч хэзээ ч ил тод болгож байгаагүй. Шилэн дансанд янз бүрийн зарцуулалтыг мэдээлдэг боловч ямар төсвөөс, тухайлбал нөөц хөрөнгөөс гаргасан эсэхийг мэдэх боломжгүй.


2018-2020

Хэвлэл мэдээллийн зардал

  • 2020 онд 750 сая төгрөг
  • 2019 онд – 450 сая төгрөг
  • 2018 онд – 450 сая төгрөг

Энэ бол зөвхөн Нийслэлийн Засаг даргын багцад багтсан хэвлэл мэдээллийн зардал юм. 2020 оны сонгуулийн жил огцом өссөн. Үүнээс гадна нийслэлийн ИТХ-ын дарга өөрийн багцийн зарим хэсгийг энэ зорилгоор зарцуулж буй. Нийслэлийн ажил амьдралыг хэвлэл мэдээллийн байгууллагууд өөрсдийн үндсэн үүргийг дагуу мэдээлж сурвалжлах ёстой ч МҮОНРТ-ээс эхлээд томоохон телевиз, сонин, сайтуудад дунджаар 7-9 сая, зарим тохиолдолд 16 сая хүртэл төгрөгийг гэрээт ажлын зардалд олгосныг Шилэн дансны мэдээлэл харуулж байна. Үүнийг нийслэлийн, төр захиргаа, албан тушаалтнуудын ажлыг эерэгээр сурталчлуулах буюу магтуулах зардал гэж ойлгож болно. Зарцуулалтын нэгдсэн дүн мэдээлэл байхгүй.


2018-2020

Зүүн хойт Азийн бизнес, аялал жуулчлал, соёл, санхүүгийн төв болох арга хэмжээний зардал

  • 2020 онд 2 тэрбум төг
  • 2019 онд 2,5 тэрбум төг
  • 2019 онд 3,0 тэрбум төг

Өнгөрсөн хугацаанд нийслэл Улаанбаатар хот энэ зорилгодоо хэр ойртсоныг хэн ч хэлж мэдэхгүй. Ямар ч байсан ийм нэртэй олон улсын хурал уулзалт болсон. 2020 онд цар тахлын улмаас гадагшаа буюу тэр тусмаа Зүүн хойт Ази руу чиглэсэн арга хэмжээ бараг зохион байгуулагдаагүй болохоор “хэмнэгдсэн” төсвийг юунд зарцуулсан тухай мэдээлэл алга байна.


2018-2020

Аз жаргалтай хотын индекс тооцон сайжруулах үе шаттай арга хэмжээний зардал

  • 2020 он – 1 тэрбум төгрөг
  • 2019 он – 1 тэрбум төгрөг
  • 2018 он – 1 тэрбум төгрөг

Нийслэлийг аз жаргалтай хот болгоно гэдэг бол иргэд, оршин суугчдын ажил амьдралын хэвийн нөхцлийг хангах, сайжруулах, үүний тулд барьж байгуулах, засаж тохижуулах, дэмжих зэрэг тодорхой ажлуудыг хийж гүйцэтгэн үр дүнд хүрэх тухaй ойлголт юм. Тэгвэл Аз жаргалтай хотын индекс гэдэг нь хөрөнгө оруулалт, төсвийн санхүүжилтын алинд ч хамаарахгүй бөгөөд “тооцон сайжруулах” гэснээс үзэхэд судалгаа, сурталчилгааны буюу эцсийн дүндээ 2016-2020 онд нийслэлийн ИТХ-д олонхи болж Засаг даргыг томилсон улс төрийн хүчний мөрийн хөтөлбөрийн “Аз жаргалтай хот” болгох амлалтыг тайлагнах зорилготой төсөв юм. Ингээд 2020 оны орон нутгийн сонгуулийн өмнө дээрх индексийг 94 гэсэн ганц тоогоор дүгнэж сурталчилсан билээ.


2018-2020

Авлигийн эсрэг нийслэлийн хөтөлбөр

Нийслэлийн иргэдийн хууль, эрх зүйн боловсролыг дээшлүүлэх” дэд хөтөлбөр

  • 2020 он – 120 сая төгрөг ба 266 сая төгрөг
  • 2019 он – 50 сая төгрөг
  • 2018 он – 60 сая төгрөг

2017 оноос эхэлсэн Авлигийн эсрэг хөтөлбөрийн төсвийн хэмжээ тийм ч их биш. Гагцхүү үр дүнг нь өнгөрсөн хугацаанд авлигийн хэмжээ хэр буурснаар тооцох ёстой. Гэтэл янз бүрийн судалгаагаар авлигад хамгийн их идэгдсэн салбарын тоонд газрын алба “тэргүүн байранд шалгарсан” хэвээр байгаа юм. 2020 оноос эрх зүйн боловсролын хөтөлбөрийн нэмж хэрэгжүүлж эхлээд байна


Боловсролын салбарын хөтөлбөрүүд

Улаанбаатар дахь сургуулийн өмнөх болон ерөнхий боловсролын байгууллагын төсөв нь салбарын сайдуудын тус тусын багцад “суусан” байдаг билээ. Тэгвэл нийслэлийн ИТХ-аас эдгээр төсвийг ямар нэгэн задаргаа байхгүйгээр батлан хэрэгжүүлж байгаа хэрнээ зарцуулалтын нэгдсэн тайлан гаргахгүй, үр дүнг тооцохгүйгээр (хэрвээ тооцсон бол тэр нь олон нийтэд ил тод биш) жилээс жилд үргэлжлүүлэн хэрэгжүүлсээр байна. Төслүүдийн хүрээнд хийж гүйцэтгэдэг ажлуудын тухайд бол сургалт семинар, судалгаа зонхилсон, мөн сурталчилгааны төсөл гэж ойлгогдож байна.

Нийслэлийн ЕБС, цэцэрлэгийн сургалтын чанарыг индексжүүлэн сайжруулах арга хэмжээний зардал

2020 он – 400 сая төг

2019 он – 300 сая төг

2018 он – 300 сая төг


Боловсрол – 2020″ дэд хөтөлбөр

2020 он – 200 сая төгрөг

2019 он – 200 сая төгрөг

2018 он – 300 сая төгрөг



“Хүүхдийн насны онцлогт тохирсон хөгжлийг дэмжих” дэд хөтөлбөр

2020 он – 80 сая төгрөг

2019 он – 80 сая төгрөг

2018 он – 80 сая төгрөг


“Хүүхдэд ээлтэй Улаанбаатар” хөтөлбөр 

2020 он – 800 сая төгрөг

2019 он – 250 сая төгрөг



“Нийслэлийн залуучууд” дэд хөтөлбөр

2020 он – 1,5 тэрбум төгрөг

2019 он – 1,5 тэрбум төгрөг

Ямар нэгэн задаргаа байхгүйгээр баталсан бөгөөд энэ их мөнгөөр нийслэлийн залуучуудад зориулан юу юуг хийж гүйцэтгэсэн талаар тайлагнаагүй


Эрүүл мэндийн салбарын хөтөлбөрүүд

Нийслэлийн эрүүл мэндийн байгууллагын ажлыг оноогоор үр дүнгээр тооцон сайжруулах арга хэмжээний зардал

  • 2020 он – 400 сая төгрөг
  • 2019 он – 300 сая төгрөг
  • 2018 он – 300 сая төгрөг

Ямар нэгэн задаргаа байхгүйгээр баталсан бөгөөд зарцуулалтын тайлан байхгүй


“Нийслэлийн эрүүл мэнд” дэд хөтөлбөр 

  • 2020 он – 200 сая төгрөг
  • 2019 он – 200 сая төгрөг

Ямар нэгэн задаргаа байхгүйгээр баталсан бөгөөд зарцуулалтын тайлан байхгүй


Янз бүрийн төсөл хөтөлбөрүүд

Нийслэлийн орон сууцны хөтөлбөр 

  • 2020 он – 10 тэрбум төгрөг
  • 2019 он – 4,0 тэрбум төгрөг
  • 2018 он – 10 тэрбум төгрөг

2014 оноос нийслэлийн орон сууцны хөтөлбөрийг боловсруулан хэрэгжүүлж байна. Зарцуулалтын нэгдсэн тайлан нийслэлийн орон сууцны корпорацийн цахим сайтад байхгүй.


“Нарийн мэргэжлээр гадаадын өндөр хөгжилтэй орнуудад боловсон хүчин бэлтгэх зардал”

  • 2020 он – 400 сая төгрөг
  • 2019 он – 200 сая төгрөг
  • 2018 он – 200 сая төгрөг

2020 он хүртэл ингэж нэрлэдэг байсан энэ төсвийг жил бүр тогтмол баталж зарцуулдаг боловч манай улсын их дээд сургууль, сургалтын төвүүдэд бэлтгэдэггүй, эсвэл хөдөлмөрийн зах зээлээс олж болохгүй ямар нарийн мэргэжлээр хэдэн хүнийг хаана сургасан нь тодорхойгүй байсаар “Төрийн албан хаагчдын мэргэжил дээшлүүлэх, боловсон хүчин бэлтгэх зардал” гэж зориулалтыг нь өргөжүүлээд байна.


Тэнэмэл, орон гэргүй иргэдийг нийгэмшүүлэх, орон байраар хангах зардал

  • 2020 он – 1,7 тэрбум
  • 2019 он – 200,0 сая төгрөг
  • 2018 он – 200,0 сая төгрөг

Ямар нэгэн задаргаа байхгүйгээр баталсан бөгөөд зарцуулалтын тайлан байхгүй.


Төрийн бус байгууллагуудаар ажил, үйлчилгээ гэрээлэн гүйцэтгүүлэх зардал

  • 2020 он – 700,0 сая төгрөг
  • 2019 он – 700,0 сая төгрөг
  • 2018 он – 500,0 сая төгрөг

Шилэн дансанд төрийн бус байгууллагуудаар ажил, үйлчилгээ гэрээлэн гүйцэтгэсэн тухай олон янзын мэдээлэл байдаг боловч хууль журманд заасны дагуу тогтоол шийдвэрийн хуулбарыг хавсаргаагүй учраас үр дүнгийн талаар тодорхой дүгнэлт хийх боломжгүй


Үндэсний их баяр наадмыг зохион байгуулах зардал

  • 2020 он – 3,0 тэрбум төгрөг
  • 2019 он – 3,0 тэрбум төгрөг
  • 2018 он –

2020 оны баяр наадмын үйл ажиллагаа цар тахлаас болж уламжлал ёсоор Төв цэнгэлдэх хүрээлэнд биш, Төв аймгийн Эрдэнэ сумын нутаг дахь 13-р зуун цогцолборт зохион байгуулагджээ. Зарцуулалтын тайлан байхгүй


Хотын стандарт, орчны аюулгүй байдлын хяналт, зохицуулалтын газар

  • 2020 он – 2,435 тэрбум төгрөг
  • 2019 он – 447,28 сая төгрөг
  • 2018 он –

Нийслэлийн төр захиргаа болон түүний харъяа агентлаг, газрууд үйл ажиллагаандаа баримтлан нэвтрүүлэх ёстой стандарт зарчмыг тусад нь тусдаа бүтэц болгож агентлаг байгуулан санхүүжилж байна.  


Нийслэлийн нутгийн захиргааны цогцолбор барилгын ашиглалтын өмнөх захиргаа

  • 2020 он – 262,1 сая төгрөг
  • 2019 он – 1,0 тэрбум төгрөг (Нийслэлийн төр захиргааны шинэ байрны ашиглалтын өмнөх захиргаа болон нүүлгэн шилжүүлэлттэй холбоотой урьдчилан гарах захидал)
  • 2018 он –

Яармагийн дэнж дээр 2018 онд баригдаж дууссан Нийслэлийн төр захиргааны цогцолбор байр хоосон хэвээрээ ч ашиглалтын өмнөх захиргаа хэдийнэ байгуулагдаж хоёр жил дараалан орон тоо батлуулан зардал гаргасаар байна. 


Нийслэлийн төр захиргааны нийтлэг үйлчилгээний
төвүүдийн зардал

Өнөөдөр нийслэлийн хэд хэдэн газарт байгуулсан Нийтлэг үйлчилгээний төвүүдийн түрээсэнд дараах төлбөрийг төлж байна.

  • 1.Ди Би Эм лизинг ХХК, ННҮТ-ийн Баянгол  салбарын сарын түрээсийн төлбөр – сард 5,03 – 5,07 сая төгрөг
  • 2. Ди Эйч Ти ХХК, ННҮТ-ийн “Solo mall” дахь салбарын сарын түрээсийн төлбөр – сард 8,4- 16,8 сая төгрөг
  • 3. Драгон холдинг ХХК, ННҮТ-ийн Драгон дахь салбарын сарын түрээсийн төлбөр – сард 31 сая төгрөг
  • 4. Дүнжингарав ХХК, ННҮТ-ийн Дүнжингарав дахь салбарын сарын түрээсийн төлбөр – сард 56, 8 сая төгрөг
  • 5. Мишээл мега молл ХХК, ННҮТ-ийн Мишээл салбарын сарын түрээсийн төлбөр – сард 26,7 сая төгрөг
  • 6. Моннидер ХХК,   5014500 ННҮТ-ийн 7 буудал дахь Оргил дахь салбарын түрээсийн төлбөр – сард 5,01 сая төгрөг

ННҮТ-ийн 4 төв, НЗДТГ-ын 9-р сарын интернетийн төлбөр –  13,2 сая төгрөг


Гэмт хэргээс урьдчилан сэргийлэх ажлыг зохицуулах нийслэл дэх салбар зөвлөл

  • 2020 он – 9,4 тэрбум төгрөг
  • 2019 он – 6,8 тэрбум төгрөг
  • 2018 он – 5,2 тэрбум төгрөг

Жил бүр олон тэрбум төгрөгийг нийслэлийн ИТХ-ын даргын удирддаг гэмт хэргээс урьдчилсан сэргийлэх ажлыг зохицуулах салбар зөвлөлийн нэрээр, ямар нэгэн задаргаагүйгээр баталдаг. Үүний тодорхой хэсгийг дүүргүүдийн салбар зөвлөлүүдэд хуваарилж байна. Шилэн дансны мэдээллээс үзэхэд бодлого, зохион байгуулалт, сургалт судалгаа, сурталчилгаанаас гадна гэмт хэргээс урьдчилан сэргийлэхэд шаардлагатай техник, тоног төхөөрөмж буюу хөрөнгө оруулалтад зарцуулж байгаа нь юуны өмнө цагдаагийн байгууллагад давхар хөрөнгө оруулалт болж байна.


Буцалтгүй тусламж, урамшуулал

Нийслэлийн Иргэдийн хурлын төлөөлөгчид болон бусад албан тушаалтнууд энэ мэтээр үе үе буцалтгүй тусламж, урамшуулал авч байна. Жишээлбэл,

  • Б.Отгонсүх (Нийслэлийн ИТХ-ын төлөөлөгч, Зам тээврийн асуудал хариуцсан төслүүдийн удирдагч) – 9,9 сая төгрөг, урамшууллын урьдчилгаа.
  • Н.Баярмөнх (Нийслэлийн ИТХ-ын төлөөлөгч) – Урьдчилгаа урамшуулал – 9,9 сая төгрөг. 
  • Д.Баярсайхан (Нийслэлийн ИТХ-ын төлөөлөгч), буцалтгүй тусламж – 20,0 сая төгрөг

Гэвч ямар учир шалтгаантай болохыг нотлох тогтоол шийдвэрийн хуулбар нь Шилэн дансанд огт тавигдахгүй байна.

Нийслэлээс гадна дүүргийн ИТХ-ын төлөөлөгчид ийм тусламж дэмжлэгийг байнга авч байна.

Нийслэл Улаанбаатар хотын төсвийн зарцуулалтын мэдээллийн үндсэн эх сурвалж бол шилэн дансны цахим хуудас бөгөөд төсвийн ерөнхийлөн захирагчид Монгол Улсын бусад байгууллагуудын нэгэн адил шилэн дансаа хөтөлдөг боловч холбогдох хууль, журмын заалтад бүрэн нийцүүлдэггүй учраас жирийн иргэн, оршин суугч, татвар төлөгчид бүрэн мэдээлэл авч, бодитой үнэлэлт дүгнэлт өгөхөд хүндрэлтэй хэвээр байна.
Иймд бид нийслэлийн ИТХ-ын дарга, Нийслэлийн Засаг даргын ба Нийслэлийн хөрөнгө оруулалтын газрын 2018, 2019, 2020 оны шилэн дансын мэдээллийг боловсруулж дүн шинжилгээ хийлээ.
Үүний тулд тодорхой мэдээллийг агуулсан “Цалингийн зардлаас бусад таван сая төгрөгөөс дээш үнийн дүн бүхий орлого, зарлагын мөнгөн гүйлгээ”, “Таван сая төгрөгөөс дээш үнийн дүн бүхий худалдан авсан бараа, ажил үйлчилгээний нэр, санхүүжилтийн хэмжээ, нийлүүлэгчийн нэр, хаяг”, “Бонд, зээл, өрийн бичиг, баталгаа, түүнтэй адилтгах санхүүгийн бусад хэрэгсэл, төр хувийн хэвшлийн түншлэлийн гэрээ, концесс, төсөв, өмч, хөрөнгө, мөнгө зарцуулах, өр, авлага үүсгэсэн аливаа шийдвэр” гэсэн гурван төрлийн мэдээллийг нэгбүрчлэн авч үзсэн болно.
Харин жилийн төсвийн төсөл, батлагдсан төсөв, төсвийн гүйцэтгэл, хэтрэлт хэмнэлтийн шалтгаан тайлбарын хамт, худалдан авах ажиллагааны төлөвлөгөө, санхүүгийн тайлан, аудитын дүгнэлт гэх мэт цэсүүд ихэнх тохиолдолд “мэдээлэл байхгүй” гэсэн тайлбартайгаар хоосон байсан төдийгүй ил тод болгосон нь нэгдсэн дүн, статистик тоонууд байхаас хэтэрдэггүй учраас ач холбогдол багатай байлаа.


2020 он

Нийслэлийн ИТХ-ын даргын төсөв, шилэн данс

Дэлгэрэнгүй

Нийслэлийн Засаг даргын төсөв, шилэн данс

Дэлгэрэнгүй


2019 он

Нийслэлийн ИТХ-ын даргын төсөв, шилэн данс

Дэлгэрэнгүй

Нийслэлийн Засаг даргын төсөв, шилэн данс

Дэлгэрэнгүй


2018 он

Нийслэлийн ИТХ-ын даргын төсөв, шилэн данс

Дэлгэрэнгүй


Нийслэлийн Засаг даргын төсөв, шилэн данс

Дэлгэрэнгүй

Улс оронд, түүний дотор нийслэл Улаанбаатар хотод ая тухтай амьдрах, иргэдийн төрийн үйлчилгээг авах нөхцлийг бүрдүүлж сайжруулахын тулд зам, гудамж, талбай, шугам сүлжээ, гэрэлтүүлэг зэрэг дэд бүтэц, сургууль, цэцэрлэг, өрхийн эмнэлгийн барилгыг барьж байгуулах, засаж тохижуулах нь төсвийн хөрөнгө оруулалтын зорилго юм. Үүнийг жил жилийн төсвийн хөрөнгө оруулалтын төсөл, арга хэмжээний жагсаалтаас харж болно.
Гэтэл өнөөдөр нийслэлийн хөрөнгө оруулалтыг төлөвлөх үйл явцад хаалттай хэвээрээ, иргэд, оршин суугчдын саналыг авч хэлэлцүүлдэг нь ор нэр төдий учраас маш олон хөрөнгө оруулалтыг сайтар тооцоолоогүй, эсвэл эрх мэдэлтэй хүмүүсийн явцуу эрх ашигт нийцүүлэн баталснаар үр ашиг багатай, үрэлгэн, “богино настай”, мөн дараа дараачийн зардал чирэгдлийг ихээр шаарддаг нь дараа илэрдэг.
Аливаа хөрөнгө оруулалтыг үнэхээр хэрэгтэй юу, тухайн асуудлыг заавал ийм төсвөөр ингэж шийдэх ёстой, өөр хувилбар бий, үгүй юу , гэдгийг сайтар бодож тооцоолдог байх хэрэгтэй. Хэрвээ тэгэж чадаагүй бол уг хөрөнгө оруулалтын сонгон шалгаруулалтыг хичнээн зөв явуулж, цаг хугацаанд нь хийж гүйцэтгээд ч нэмэргүй юм. Маш олон асуудлыг зөв бодлого, зохион байгуулалтаар, эсвэл хамаагүй бага зардал төсвөөр шийдвэрлэж болохыг дандаа санаж, нэгэнт зарцуулсан болон одоо хэрэгжүүлж байгаа, мөн цаашид төлөвлөж байгаа хөрөнгө оруулалтыг дахин дахин нягтлан дүгнэж байх учиртай.


2020 оны нийслэлийн төсвийн хөрөнгө оруулалтын төсөл, арга хэмжээ


Нийслэлийн архивын барилга (СБД, 9-р хороо) – 2019-2021 он, нийт төсөвт өртөг 7,643 тэрбум төгрөг, 2020 онд санхүүжих – 375.0 сая төгрөг

Захиалагч: Нийслэлийн худалдан авах ажиллагааны газар

2019.05.03. Тендер шалгаруулалт зарласан

2019.05.19. ШӨХТГ-т хандаж “Зүр констракш” ХХК-иас тендерийн баримт бичигт гомдол гаргасан тул тендерийн нээлтийн хугацааг тодорхойгүй хугацаагаар хойшлуулсан

2019.07.17. Үнэлгээний хороо хуралдаж, “Дайманрөүд” ХХК компанийг сонгон шалгаруулжээ

2020.05.03. Барилгын шав тавих ёслол болж барилга угсралтын ажлыг эхлүүлжээ


Сонгинохайрхан дүүргийн Нутгийн захиргааны нэгдсэн байрны барилга – 2019-2021 он, нийт төсөвт өртөг, 6,822 тэрбум төгрөг, үүнээс 2020 онд санхүүжих – 2,225 тэрбум төгрөг

Захиалагч: Сонгинохайрхан дүүргийн худалдан авах ажиллагааны алба

2019.04.05. Цахим тендер шалгаруулалт зарласан. Тендерийн урилгад нийт төсөвт өртгийг 7,552,400.00 төг, үүнээс тухайн онд санхүүжих төсөвт өртөг 2,500,000,000 төгрөг гэжээ

Шалгарсан: Дарцагт ноёд групп ХХК

2019.07.01. Барилгын шав тавих ёслол болсон


Нийслэлийн нутгийн захиргааны байгууллагуудын техник, тоног төхөөрөмж, тавилга, эд хогшил – 2020-2021  он,  нийт 2,0 тэрбум төгрөг, үүнээс 2020 онд санхүүжих 1,0 тэрбум төгрөг

Нийслэлийн төр, захиргааны автобаазын автомашины парк шинэчлэлт, засварын тоног төхөөрөмж, барилгын засвар – 2020 он, 500.0 сая төгрөг


Телекамер дэд хөтөлбөр, замын хөдөлгөөний удирдлагын систем  2020-2021 он, нийт төсөвт өртөг 15,000 тэрбум төгрөг, үүнээс 2020 онд санхүүжих – 4,500 тэрбум төгрөг.


Агаар орчны бохирдлыг бууруулах, гэр хорооллыг орон сууцжуулах “Хөгжлийн үүд” хөтөлбөр – 2020-2021 онд нийт төсөвт өртөг 50 тэрбум төгрөг, үүнээс 2020 онд санхүүжих 5 тэрбум төгрөг


Орон сууц, дэд бүтцийн хөрөнгө оруулалтын хөтөлбөр – 2020-2021 онд нийт 50 тэрбум, үүнээс 2020 онд санхүүжих 5 тэрбум төгрөг


Улаанбаатар хотын олон нийтийн оролцоотой хот төлөвлөлтийн нэгдсэн систем – 2020-2021 онд нийт 2,6 тэрбум төгрөг, үүнээс 2020 онд санхүүжих 300 сая төгрөг


Нийслэлийн төсвийн хөрөнгөөр 2019-2020 онд дамжин санхүүжих хөрөнгө оруулалтын төсөл, арга хэмжээ, барилга байгууламжийн жагсаалт


Гандан орчмын гэр хорооллыг аялал жуулчлал, түүхэн өв соёлын төв болгон хөгжүүлэх 2017-2020 онд нийт төсөвт өртөг 519,4 сая төгрөг, үүнээс 2019 онд батлагдсан 509, 6 тэрбум төгрөг, 2019-2020 онд дамжин санхүүжих 63.0 сая төгрөг


“Утаагүй Улаанбаатар хөтөлбөр”-ийн хүрээнд агаарын бохирдлыг бууруулах төсөл, арга хэмжээг хэрэгжүүлэх 2017-2020 онд нийт төсөвт өртөг 4,670 тэрбум, үүнээс 2019 онд батлагдсан 4,09 тэрбум, 2019-2020 онд дамжин санхүүжих 2,454 тэрбум төгрөг


Нийслэлийн төсвийн хөрөнгөөр 2019-2020 он дамжин хэрэгжих хөрөнгө оруулалт

Нийслэлийн төр, захиргааны байгууллагуудыг Хан-Уул дүүрэг, Яармаг шинэ дэд төвд шилжүүлэн байршуулах болсонтой холбогдуулан ерөнхий төлөвлөгөөнд тусгагдсан авто зам (1,7 км) – 2018-2020 онд нийт төсөвт өртөг  1,7 тэрбум төгрөг, үүнээс 2019 онд батлагдсан 1,7 тэрбум төгрөг, 2019-2020 онд дамжин санхүүжих 1,6 тэрбум төгрөг.


Дэлгэрэнгүй


Нийслэлийн хөрөнгө оруулалтын газар

Дэлгэрэнгүй


2019 оны нийслэлийн төсвийн хөрөнгө оруулалтын төсөл, арга хэмжээ

Дэлгэрэнгүй


2018 оны нийслэлийн төсвийн хөрөнгө оруулалтын төсөл, арга хэмжээ

Дэлгэрэнгүй


Өмнөх жилүүдийн зарим баримт жишээ

2015-2016 он. Тамхи татах цэгийн шилэн хоргонууд

Тамхи татах цэг буюу нэг бүр нь 14 сая төгрөг өртөгтэй 20 ширхэг шилэн хоргыг нийслэлийн гудамж талбайд байршуулсан боловч бүрэн ашиглаагүй төдийгүй ихэнхийг алга болгожээ. Заримыг ашигласан ч бохир заваан орчин болсон байна. Өөрөөр хэлбэл 300 шахам сая төгрөг тамхины утаа адил салхинд хийсчээ. Дэлхийн том хотуудын жишгээр бол, гадаа орчинд сандал тавиад, хажууд нь хогын сав, тамхи татахыг зөвшөөрсөн тэмдэг байрлуулдаг, тэгвэл нэг цэгийн зардал 100 мянган төгрөгөөс хэтрэхгүй гэсэн тооцоо байна.

Дэлгэрэнгүй